Memleket basshysy agroónerkásip salasynda bólingen qarajattyń tıimdi jumsalmaı jatqanyn aıtty.
«Azyq-túlik qaýipsizdigin qamtamasyz etýge basa mán berý qajet. Ashyǵyn aıtsaq, agroónerkásip kesheni bul mindetti tolyq oryndap otyrǵan joq. Osy saladaǵy saıasat birizdi emes. Memleket tarapynan bólinip jatqan qarajat tıimdi jumsalmaıdy. О́nim óndirýshi men tutynýshynyń arasynda deldal kóp», dedi Prezıdent.
Sondaı-aq ol «Aýyl – el besigi» jobasy ári qaraı jalǵasa beretinin aıtty.
«Aýyl sharýashylyǵyn qarqyndy damytýǵa qajetti jaǵdaı jasaý – memlekettiń mindeti. Sonymen qatar aýyl-aımaqtardy keshendi túrde órkendetý asa mańyzdy. Elimizde birneshe jyldan beri «Aýyl – el besigi» jobasy júzege asyrylyp jatyr. Sonyń aıasynda 1 myńnan astam aýyldaǵy úsh myń jeti júz nysan jańǵyrtyldy. Onyń bári – áleýmettik jáne ınjenerlik ınfraqurylym nysandary. Bul jumys bolashaqta da jalǵasady», dedi Q.Toqaev.
